Avropa üçlüyü İrana qarşı “snapback” mexanizmini işə salıb

GADTB: “Axios” xəbər verir ki, bu gün Avropa üçlüyü – Fransa, Almaniya və Britaniya İranın nüvə sazişini pozduğunu əsas gətirərək Tehrana qarşı BMT sanksiyalarını nəzərədə tutan “snapback” mexanizmini rəsmən işə salıb.

Məlumata görə, səhər saatlarında Avropa üçlüyü BMT Təhlükəsizlik Şurasına məktub göndərərək “Snapback” mexanizminin aktivləşdirildiyini bəyan edib.

Adı açıqlanmayan iki avropalı diplomat bununla bağlı məlumatı təsdiqləyib. Onların sözlərinə görə, Tehran zənginləşdirilmiş uran ehtiyatlarını artırmaqla və Atom Enerjisi üzrə Beynəlxalq Agentliklə (AEBA) əməkdaşlıqda qeyri-şəffaf davranmaqla razılaşmanı ciddi şəkildə pozub.

“Snapback” mexanizmi 2015-ci ildə imzalanmış Hərtərəfli Birgə Fəaliyyət Planının (JCPOA) bir hissəsidir və İran tərəfindən sazişin pozulması halında, əvvəlki BMT sanksiyalarının bərpasına imkan verir./ Azad İran