Azərbaycanlı müəllim təkadamlıq kameraya salınıb

GADTB: Kərəc şəhər zindanında saxlanılan azərbaycanlı müəllim Məsud Fərhixtə təkadamlıq kameraya salınıb.

Məlumata görə, o, həbsi və barəsində irəli sürülən ittihamlarla bağlı məktub yazdığına görə cəzalandırılıb.

Qeyd edək ki, Əlborz əyalətinin İslamşəhr şəhərində yaşayan müəllim və ictimai fəal Məsud Fərhixtə avqust ayında 4 il, 1 ay, 17 gün həbs cəzasına məhkum edilib.

O, “ölkənin milli təhlükəsizliyinə qarşı toplaşmaq və əlbir olmaq” və “dövlət quruluşu əleyhinə təbliğat aparmaq”da günahlandırılıb./ Azad İran