GADTB Güney Azərbaycan Demokratik Türk Birliyi
GADTB: Aprelin 21-də Pentaqon ABŞ ordusunun sanksiya altında olan bayraqsız M/T Tifani adlı gəmiyə qarşı “dənizdə ələ keçirmə əməliyyatı” keçirdiyini açıqlayıb. Mühasirə ABŞ-nin Hind-Sakit Okean Komandanlığının (INDOPACOM) məsuliyyət zonasında baş verib. Pentaqon iddia edir ki, Tifani gəmisi İranın qaçaqmalçılıq fəaliyyəti ilə əlaqəlidir.
“Aydınlaşdırdığımız kimi, qanunsuz şəbəkələri pozmaq və İrana maddi dəstək verən sanksiyalı gəmiləri harada fəaliyyət göstərmələrindən asılı olmayaraq dayandırmaq üçün qlobal dənizçilik tədbirlərimizi davam etdirəcəyik”, – Pentaqon bildirib.
Qeyd olunur ki, INDOPACOM Hind və Sakit okean bölgəsinə cavabdeh olsa da, Fars körfəzi və Hörmüz boğazı CENTCOM-un yurisdiksiyasına daxildir və bu əməliyyat həmin bölgədən kənarda həyata keçirilib.
