GADTB Güney Azərbaycan Demokratik Türk Birliyi
GADTB: “Bloomberg” ABŞ və İran arasında müzakirə olunan 14 maddəlik anlaşma memorandumunun layihəsini dərc etdiyini bildirib.
Məlumata görə, sənədin əsas məqsədi tərəflər arasında hərbi qarşıdurmaya son qoymaq və İranın nüvə proqramı ilə bağlı məsələlərin həlli üçün 60 günlük danışıqlar mərhələsinə başlanmasına şərait yaratmaqdır.
Layihənin 14-cü bəndində qeyd olunur ki, İran və ABŞ yekun razılaşmanın və gələcək öhdəliklərin icrasına nəzarət etmək üçün xüsusi mexanizm yaradacaqlar. Yekun sazişin BMT Təhlükəsizlik Şurasının məcburi qətnaməsi ilə təsdiqlənməsi nəzərdə tutulur.
Sənədə əsasən, Tehran və Vaşinqton yekun razılaşmaya nail olmaq məqsədilə 60 gün ərzində danışıqlar aparmağı öhdələrinə götürürlər. Bu müddətdə İranın nüvə proqramının mövcud vəziyyəti və ABŞ sanksiyalarının hazırkı rejimi dəyişdirilmədən saxlanılacaq.
