Urmiyada fars rejimin təhsil nazirinin irqçi bəyanatına etiraz olaraq plakatlar yapışdırıldı -Şəkil

GADTB-nin Mətbuat Mərkəzinə daxil olan məlumata görə, irqçi və işğalçı fars rejimin təhsil naziri Məhəmməd Bəthayinin qeyri-fars xalqların dillərində dərs keçməyin təhlükəli və qadağan olmasına dair çıxışına etiraz olaraq Urmiyada üzərində şüarlar yazılmış plakatlar geniş şəkildə çap edilərək şəhərin müxtəlif yerlərinə yapışdırıldı.

Güney Azərbaycanın qərb bölgəsində yerləşən Urmiya şəhərində azərbaycanlı milli-mədəni fəallar divarlara “Türk dili bizim qırmızı xəttimizdir” və “Mənim dilim ölən deyil-özgə dilə dönən deyil” şüarlar yazmaqla rejimin təhsil nazirinin irqçi bəyanatına etiraz bildirmiş və ana dildə təhsil tələb etmişlər.

Qeyd edək ki, son günlər Güney Azərbaycanın Təbriz, Parsabad, Ərdəbil, Çaypara və s. şəhərlərində də bu məsələlərlə ilə bağlı şüarlar yazılmışdır.