Səttar xanın məzarını ziyarət edən azərbaycanlı fəallar tutulub

GADTB-nin mətbuat mərkəzinə daxil olan məlumata görə, Güney Azərbaycanın Urmiya, Tehran və Kərəc kimi şəhərlərindən olan bir qrup Azərbaycan türkü Səttar xanın məzarını ziyarət etmək məqsədilə onun məzarı ətrafına toplaşıblar. Lakin İran rejiminin təhlükəsizlik orqanlarının göstərişi ilə rejimin polis qüvvələri onları hədələyərək dağıdıb.

Yayılan məlumata görə, Səttar xanın məzarına toplaşan bir necə azərbaycanlı milli-mədəni fəal isə yaxalanaraq, bir neçə saatdan sonra sərbəst buraxılıblar. Azərbaycanlı fəallara ciddi şəkildə xəbərdarlıq edilib ki, bir daha Səttar xanın məzarını ziyarət etməsinlər.