İrqçi fars rejimin televiziyasında “Qarabağ”ın təhqir edilməsinə Güney Azərbaycandan etiraz- Video

GADTB-nin Mətbuat Mərkəzinin əldə etdiyi məlumata görə, irqçi fars rejimin 3-cü televiziya kanalının aparıcısı Əhmədi aşağılayıb. Aparıcı veriliş zamanı “Qarabağ” dünən gün “Arsenal” ilə qarşılaşacaq” məlumatını verdikdən sonra gülməyə başlayıb və “Qarabağ” futbol klubunu lağa qoyub. Bu irqçi hərəkət isə Güney Azərbaycanda rejimə qarşı etiraza səbəb olub.

“Qarabağ”- “Arsenal” qarşılaşmasını izləməyə gələn İran millisində oynayan soydaşımız arenada çəkiliş edərək aparıcının hərəkətinə öz münasibətini göstərib:

“İndi Bakıda “Qarabağ”la “Arsenal”ın oyunudur. Uduzaq, ya udaq – heç fərq eləməz. O aparıcı ki televiziyada lağa qoyur, burada olsaydı, utanardı. Bu azarkeşləri ki, görürsünüz, “Qarabağ”ın azarkeşləridir. Arzu edirəm ki, müvəffəq olaq. Yaşasın “Traktor”umuz, yaşasın “Maşınsazı”mız, yaşasın “Qarabağ”ımız, yaşasın Azərbaycan! Uduzmaq-udmaq bizim üçün mühüm deyil, mühüm olan birliyimizdir. O aparıcı isə bir az utansa, düşünürəm ki, yaxşı olar”.

Güney Azərbaycandan “Qarabağ” – “Arsenal” qarşılaşmasını izləməyə gələn azərbaycanlılar  Qarabağ komandasına dəstək veriblər.