GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Rusiyanın “LUKoil” şirkəti noyabrın 4-dən etibarən İran adlanan ölkədəki “Al-Teymir” layihəsindəki işlərini dayandıracaq. Bu barədə şirkətin rəisi Vahid Ələkbərov açıqlama verib.
V.Ələkbərov daha əvvəl “LUKoil”un İrandan neft almayacağını bəyan etmişdi. O, ABŞ-ın İrana qarşı sanksiyalarını və “LUKoil”un beynəlxalq şirkət olduğunu əsas gətirərək risk etmək istəmədiklərini bildirib. Onun sözlərinə görə, İranda işlərin davam etdirilməsi şirkətə baha başa gələ bilər.
Xatırladaq ki, ABŞ-ın İran alanan ölkəyə qarşı tətbiq etdiyi sanksiyaları bərpa etdikdən sonra Fransanın “Total”, Norveçin “Equinor” şirkətləri də bu ölkədəki layihələrindən imtina ediblər. “Equinor” şirkəti sanksiyalarla əlaqədar İranda 40 milyon dollar itirdiyini bəyan edib.
