Həkimə Əhmədi aclıq aksiyasını nəticə verdikdən sonra aksiyanı dayandırdı

GADTB-nin Mətbuat Mərkəzinə daxil olan məlumata görə, hüquqlarının pozulduğuna etiraz olaraq rejimin Marağadakı zindanında aclıq aksiyası keçirən azərbaycanlı milli-mədəni fəal Həkimə Əhmədi aclıq aksiyası nəticə verdikdən sonra aksiyasını dayandırıb.

Fəalın 4 günlük aclıq aksiyasına müəyyən dərəcədə nəticə verib.

Məlumata görə, rejimin zindan rəisinin cəhdləri nəticəsində hüquqi cəhətdən yanlışlığa yol verilən iddianamə yenidən məhkəmənin prokurorluqda olan şöbəsinə qaytarılıb.

Həmçinin Həkimə Əhmədi ilə birlikdə daha bir neçə məhbusun iddianaməsi istintaq şöbəsinə qaytarılıb. Bütün bunlar Həkimə Əhmədinin səyi nəticəsində mümkün olub.

Qeyd edək ki, Həkimə Əhmədi 10 aya yaxındır yaxalanaraq, qeyri-müəyyən həbsdə saxlanılır. Fəalın məhkəmə prosesinə rejimin Binabda yerləşən İnqilab Məhkəməsində keçirilir.