GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanda “Azər Fədək” Şirkətinin işçiləri şirkətin 350 işçisinin ixtisarına etiraz olaraq, Şərqi Azəbaycan Valiliyinin binası qarşısında etiraz aksiyası keçiriblər.
Şirkətinin bütün işçiləri şirkətin 350 işçinin ixtisar ediləcəyi barədə verdiyi qərara etiraz ediblər. Etirazçılar səlahiyyətli orqanların problemi həll etməsini tələb ediblər.
Şirkət fəhlələrinin nümayəndəsi “Təbriz mən” Xəbər Agentliyinin müxbirinə deyib ki, işçilərin ixtisar edilməsi ilə bağlı verilən qərarın əsas səbəbi şirkət üçün nəzərdə tutulan xammalın tam olaraq dövlət tərəfindən təmin olunmaması və istehsal müəssisəsinin tələblərinə məhəl qoyulmamasıdır.
Şərqi Azərbaycan Valiliyinin siyasi məsələlər üzrə rəsmisi Məhəmmədzadə etirazçıların qarşısına çıxaraq fəhlələrə dəstək veriləcəyini və istehsal müəssisəsinin tələblərinin təmin olunması üçün səlahiyyətli şəxslərlə danışıq aparılacağını deyib.
