GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ABŞ hərbçiləri Suriyada İŞİD terror qruplaşmasının lideri Əbubəkr Bağdadini zərərsizləşdirib.
ABŞ Prezidenti Donald Tramp Türkiyəyə xüsusi yardımına görə təşəkkür edib.
Bunu ABŞ Prezidenti Donald Tramp deyib: “Əməliyyat zamanı ABŞ hərbçilərindən heç kim xəsarət almayıb.
Rusiya, Türkiyə və İraqa təşəkkür edirəm. ABŞ hökuməti üçün çalışanlara təşəkkür edirəm. Dünən ABŞ üçün möhtəşəm gün idi. Bağdadi öldürüldü. Daha heç bir zaman məsum insanlara – uşaqlara, qadına və başqalarına zərər verməyəcək. Dünya daha təhlükəsiz duruma gəldi. Türkiyə hara getdiyimizi bilirdi. Onlar da möhtəşəm idi. Əməkdaşlıq etdik. Heç bir problem yaşamadıq. Gizli əməliyyat idi. Bizi vursaydılar, yox edərdik”.
Xatırladaq ki, Tramp bir qədər əvvəl “taleyüklü məsələ”yə dair tvit yazmışdı. ABŞ mətbuatı prezidentin bu tvitini İŞİD lideri Əbubəkr Bağdadinin öldürülməsi ilə əlaqələndirmişdi.
