GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ABŞ Dövlət katibi Mayk Pompeo deyib ki, qarşıda daha çox sanksiyalar olacaq.
O, bu sözləri aksiyalardan görüntü yayaraq Rabitə naziri Məhəmməd Cavad Cəhruminin sanksiyasına işarə edərək yazıb.
“Son etiraz aksiyalarında zorakılıq edildiyi ilə bağlı millət tərəfindən 20 min mesaj almışıq”, – o bildirib.
Xatırladaq ki, Pompeo bundan öncə də Tehran rejimi tərəfindən aksiyalarda zorakılıq ilə bağlı şəkil, video və mətn aldığını bildirmişdi. İnternetin bağlanmasına görə Rabitə nazirini sanksiya tətbiq edilmiş şəxslərin siyahısına əlavə edib. O, eləcə də paylaşımında Rabitə nazirini “yalançı İran naziri” adlandırıb.
Qeyd edək ki, bir çox təhlilçinin Trampın aksiyalarla bağlı mövqeyinin zəif və yetərsiz olduğunu düşünündükləri halda ABŞ Dövlət katibinin mövqeyi dəstək məqsədi daşıyır.
