GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin etirazlar dövründə Ərdəbildə yaxaladığı azərbaycanlı milli-mədəni fəal Meysəm Colani girov qarşılığında zaminə buraxılıb.
Azərbaycanlı fəalın noyabrın 9-da 150 milyon riallıq vəsiqə qarşılığında zaminə buraxıldığı bildirilir.
Meysəm Colani şərlənərk məhkəmə tərəfindən “iğtişaş yaratmaqla ictimai nizam-intizamı pozmaq”da ittiham olunub.
Qeyd edək ki, Meysəm Colani noyabrın 18-də keçirilən etirazlar zamanı yaxalanaraq Ərdəbil zindanına köçürülmüşdür.
Ata evində ailəsinin gözü qarşısında fəalı yaxalayarkən rejimin təhlükəsizlik qüvvələri onu vəhşicəsinə döymüşlər.
Dekabrın 1-də fəalın ailəsinin 4 üzvü də Ərdəbildə 11 nömrəli Polis Bölməsində 9 saat müddətinə sorğu-suala tutulmuşdur. Onlar Meysəmin vəziyyəti ilə bağlı məlumat əldə etmək üçün rejimin Ərdəbildə yerləşən İnqilab Məhkəməsinə müraciət etdikləri zaman hakimə bir neçə sual verdikləri üçün müvəqqəti olaraq saxlanmışdır.
