Mayk Pensdən İran adlanan ölkədə etirazlarla bağlı açıqlama

GADTB-nin Mətbuat Mərkəzinin “axar.az” saytına istinadən yaydığı məlumata görə, ABŞ-ın mövcud rəhbərliyi İrandakı etiraz hərəkatını görməzdən gələrək, sələflərinin səhvlərini təkrarlamayacaq. Bu sözləri ABŞ-ın vitse-prezidenti Mayk Pens deyib.

Pens açıqlama verərək deyib: “Prezident və mən digərlərinin etdiyi kimi, İran xalqının qəddar rejimə qarşı qəhrəmanlıq mübarizəsini görməzdən gələrək keçmişin biabırçı səhvlərini təkrar etməyəcəyik. İran xalqının artan müqaviməti azadlıq və tiranlığa qarşı mübarizə aparan hər kəsə ümid və inam verir”.

Qeyd edək ki, dekabrın 28-dən İran adlanan ölkədə kütləvi etiraz aksiyaları keçirilir.