GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Əhər şəhərində yaşayan azərbaycanlı milli-mədəni fəal İsrafil Fətullahzadə dünən martın 8-də yenidən rejimin Əhər şəhərində yerləşən zindanına qaytarılıb.
Qeyd edək ki, azərbaycanlı milli-mədəni fəal İsrafil Fətullahzadə martın 1-də 100 milyon tümən girov qarşılığında Əhər zindanından bir həftəlik məzuniyyətə buraxılmışdı.
İsrafil Fətullahzadə yanvar ayının 30-da 7 aylıq həbs cəzasını çəkmək üçün İranın məhkəmə hökmlərini icra edən məmurları tərəfindən Əhər şəhərində yaxalanmışdı.
Azərbaycanlı fəal İsrafil Fətullahzadə 2015-ci ilin noyabr ayında İran televizyasının “Fitilə” proqramında türklərintəhqir edilməsinə qarşı keçirilən etirazlarda yaxalanmışdı.
Azərbaycanlı fəal bundan öncə 2014-cu il fevral 20-də “Beynəlxalq Ana Dili” günü münasibətilə keçirilən tədbirlərə qatıldığına görə rejimin təhlükəsizlik qüvvələri tərəfindən həbs edilmişdir.
