İranla nüvə sazişini müzakirəyə başlayan ABŞ təyyarədaşıyan gəmisini İran sahillərinə göndərir

GADTB-nin Mətbuat Mərkəzinə daxil olan məlumata görə, ABŞ-ın “Duayt Eyzenhauer” təyyarədaşıyan gəmisi Süveyş kanalını keçərək Qırmızı dənizə daxil olub.

Bu məlumatı Misir mediası yayıb.

Təyyarədaşıyan gəmini “Monterey” kreyseri, “Mitsçer” və “Tomas Hudner” esminisinin müşayiət etdiyini bildirilib.

ABŞ Hərbi Dəniz Qüvvələri isə gəminin Ərəb körfəzinə yollandığını açıqlayıb.

Qeyd edək ki, hazırda Ərəb körfəzində döyüş patrulunu Fransanın “Şarl de Qoll” təyyarədaşıyan gəmisinin rəhbərlik etdiyi qrup aparır.