GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə ordusu son 1 sutka ərzində Afrində 58 terrorçunu məhv edib.
Bununla da “Zeytun budağı” əməliyyatının başlanğıcından indiyə qədər Afrində öldürülən terrorçu sayı 1931-ə çatıb.
Digər tərəfdən isə Türkiyə ordusunun ötən gün yüksək dəqiqliklə vurduğu konvoyla bağlı detallar məlum olub. Türkiyə ordusunun vurduğu 40 avtomobillik konvoy Əsəd rejiminə yaxın qüvvələrə məxsus olub. Konvoyun “Sakarya” raketləri ilə vurulduğu və ən azı 80 nəfərin öldürüldüyü bildirilib. Vurulan avtomobillər sırasında terrorçulara silah aparan 2 TIR da yer alıb.
“Yeni Şəfəq” qəzeti Afrinə Əsəd rejimi tərəfdarlarının gətirilməsinə general Malik Alaya və YPG-nin liderlərindən biri olan Sipan Hamonun rəhbərlik etdiyini bildirib.
Qeyd edək ki, artilleriyanın düşmənin dinamik hədəflərini yüksək dəqiqliklə məhv etməsi ekspertlər tərəfindən imkansızı bacarmaq kimi təqdim edilmişdi.
