GADTB Güney Azərbaycan Demokratik Türk Birliyi
Türkiyə Silahlı Qüvvələri və ASO-nun Afrində keçirilən “Zeytun budağı” əməliyyatı çərçivəsində zərərsizləşdirdiyi terrorçu sayı 2059-a yüksəlib.
Bu arada isə Türkiyə Silahlı Qüvvələri və ASO-nun Afrində inamlı şəkildə irəliləməsi PKK-PYD terror qruplaşmasında daxili çəkişmələrə səbəb olub.
Axar.az xəbər verir ki, Afrin əməliyyatı başladıqdan sonra yaranan qruplaşmadaxili münaqişələrdə terrorçuların 30-dan çox nüfuzlu üzvü edam edilib.
Məlumata görə, Afrindəki məğlubiyyətin səbəbini elə Afrin qrupunda görən Qəndil qrupu artıq əraziyə yeni rəhbərlər göndərib. Terrorçuların liderlərindən sayılan Cəmil Bayık Raco bölgəsinə Hüseyn Qabarı, Cinderes üçün isə Mani Aqid adlı şəxsi rəhbər təyin edib.
