Ərdəbildə qrafit: “Qadağaya məruz qalan siyasi məhbus Abbas Lisani”

GADTB-nin Mətbuat Mərkəzinə daxil olan məlumata görə, noyabrın 19-da Güney Azərbaycanın Ərdəbil şəhərində azərbaycanlı milli-mədəni fəallar Ərdəbil zindanının 7-ci bölməsində həbsdə saxlanılan 15 il həbs cəzasına məhkum edilən azərbaycanlı siyasi məhbus Abbas Lisaniyə azadlıq tələbi ilə divara qrafit çəkilib.

Azərbaycanlı milli fəalalr Ərdəildə divara Abbas Lisaninin qrafit formasında şəklini çəkib və şüarlar yazıblar.

Qrafitdə Abbas Lisaninin şəkli ilə yanaşı “Qadağaya məruz qalmış siyasi Məhbus Abbas Lisani” şuarı yazılmışdır.

Azərbaycanlı siyasi məhbus Abbas Lisaninin sağlıq durumunun kəskin ağırlaşması ilə bağlı azərbaycanlı milli-mədəni fəallar müxtəlif vasitələrlə ona dəstəyini bildirib, azadlıq tələb ediblər.

Qeyd edək ki, 2019-cu ilin iyul ayında rejimin Ərdəbildəki İnqilab Məhkəməsinin 1-ci şöbəsi tərəfindən Lisani 8 il həbs və 2 il sürgün cəzasına məhkum edilib.

Daha sonra bu qərar rejimin Ərdəbildəki Apellyasiya Məhkəməsi tərəfindən 2 il sürgün və 15 il həbs cəzasına qaldırılıb.