GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İrana məxsus kiber cinayətkar qrup Azərbaycanın İcrabi Sığorta Bürosunun saytına hücum etdiyini iddia edib.
Özünü “İranın Kiber Ordusu” adlandıran İranın cinayətkar qrupu saytı ələ keçirərək bəzi məlumatları əldə etdiyini bildirib.
Məlumatda verilmiş siyahıda Azərbaycan Respublikasının bəzi dövlət orqanlarına aid olduğu iddia edilən bir neçə avtomobilin dövlət qeydiyyat nişanları və xüsusiyyətləri qeyd edilib.
Bundan başqa, cinayətkar qrup iddia edir ki, Azərbaycandakı bütün avtomobillər, eləcə də onların sahibləri barədə məlumatları oğurlaya bilib.
Qeyd edək ki, İranda kiber qruplar, əsasən, “Sepah”ın kurasiyasındadır və bu hərbi qurum tez-tez Azərbaycana qarşı təxribatçı mövqe sərgiləyir. Tehranın iki ölkə arasında münasibətlərin düzəlməsi və “qardaşlıq”dan dəm vurmasına rəğmən, son bir neçə ayda İran tərəfindən Azərbaycana qarşı düşmən mövqe, qarşılığında isə Ermənistana hər cür dəstəyin artırılması müşahidə edilir.
Azərbaycan hələ ki, bu iddialara rəsmi münasibət bildirməyib.
