GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Güney Azərbaycanın Urmiya şəhərində yaşayan azərbaycanlı milli fəal Əmirhüseyn Şükuhini yaxalayıb.
İranın ETTELAAT İdarəsinin 3 məmuru azərbaycanlı fəalın iş yerinə hücum edərək, onu həbs edib. Fəalın anası onun həbsinin səbəbini soruşub. Lakin rejimin ETTELAAT İdarəsinin məmurları fəalına anasını təhqir edib, ona fiziki təzyiq göstəriblər.
Molla rejiminin məmurları Əmirhüseyn Şükuhinin iş yerində axtarış aparıb, ona aid bir neçə şəxsi əşyanı müsadirə ediblər.
Rejimin yaxaladığı Əmirhüseyn Şükuhinin nədə ittiham olunduğu və hara aparıldığı barədə məlumat verilməyib.
