Molla rejiminin həbs etdiyi azərbaycanlı xanım fəalın sağlıq durumu pisləşib

GADTB-nin Mətbuat Mərkəzinə daxil olan məlumata görə, irqçi fars-molla rejiminin Təbrizdə həbs etdiyi azərbaycanlı xanım fəal Məhdiyə (Melika) Seyid Fruqinin sağlıq durumu pisləşib.

Üç ay yarımdan çoxdur həbs edilərək Təbrizdə zindana köçürülən təbrizli fəal Məhdiyə Seyid Fruqi ona qarşı zülmə etiraz olaraq aclıq aksiyası keçirir. Eyni zamanda ona fiziki və psixi təzyiqlər göstərilir.

İnsan haqları müdafiəçiləri 3 il müddətinə azadlıqdan məhrum edilən təbrizli xanımın bundan öncə təcridxanada işgəncə edilərək ondan məcburi etiraf alındığını deyirlər.

Mühakimə zamanı onun vəkillə təmin olunmasına icazə verilməyib və ailəsi xəbərin ictimailəşdirilməməsi üçün təhdid edilib.