GADTB Güney Azərbaycan Demokratik Türk Birliyi
İrqçi fars rejiminin məclisinin Xarici Siyasət Komissiyasının üzvü Seyid Hüseyn Nəqəvi Hüseyni rejimin raket proqramının gizli olduğuna etiraf edib. O deyib ki, ABŞ-ın nüvə razılaşmasından çıxmasına hazırlıq olaraq bütün tədbirlərimizi görmüşük. O “Tasnim” agentliyinə açıqlamasında iddia edib ki, məhz Qərb İranla imzalanan nüvə razılaşmasının öhdəliklərinə əməl etməyib.
Nəqəvi Hüseyni deyib: “ABŞ Avropaya təzyiq edərək onlara məntiqsiz istəklərini diktə etməyə və raket proqramı bəhanəsi ilə ölkəmizə qarşı yeni sanksiyalar tətbiq etməyə çalışır. Avropalılar ABŞ-ı razılaşmadan çıxmağa qoymamaq üçün Tehrana vədlər verirlər, amma biz bu siyasəti qəbul etmirik. İranın müdafiə və raket proqramı müzakirəyə qapalıdır”.
Qeyd edək ki, irqçi fars rejimi qeyri-fars millətlərə zülm etməklə yanaşı dünyada terrorçuları dəstəkləyib, müxtəlif bölgələrdə böhran və qarşıdurmalara səbəb olur.
