GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, 2018-ci il may ayının 5-də Güney Azərbaycanın Xoy şəhərində 4 il əvvəl dünyasını dəyişmiş milli-mədəni fəal Kərəm Dövdaninin ildönümü mərasimi keçirilib.
Keçirilən mərasimdə çox sayda azərbaycanlı fəalın iştirak edib. Kərəm Dövdaninin məzarı üstünə gül dəstələri qoyan milli-mədəni fəallar Azərbaycanın milli marşını oxuyaraq mərhumun əziz xatirəsini hörmətlə yad ediblər.
Qeyd edək ki, azərbaycanlı fəal Kərəm Dövdani 2014-cü ilin may ayında xərçəng xəstəliyindən dünyasını dəyişib. O, Urmiya gölünün xəritəsini Azərbaycan bayrağının rəngləri ilə qəbirinin üstünə həkk olunmasını vəsiyyət etmişdir. Mərhumun vəsiyyəti yerinə yetirilib, lakin qəbirin üstünə həkk olunan bayraqdan qorxuya düşən irqçi fars rejimin məmurları onu başqa bir qəbir daşı ilə dəyişiblər. İrqçi fars rejimin qüvvələri əxlaq normasına sığmayan hərəkəti sosial şəbəkələrdə geniş etirazlara səbəb olmuşdur.
