ABŞ şirkəti terrorçu PKK-ya açıq şəkildə yardım edir

GADTB-nin Mətbuat Mərkəzinə daxil olan məlumata görə, ABŞ şirkəti terrorçu PKK-ya dəstəyini sosial şəbəkə hesabında açıqlayıb.

Xarici mətbuatın verdiyi məlumata görə, ABŞ şirkəti olan “Castle İnternational” PKK-ya dəstək verir və bunu sosial şəbəkədəki hesabında paylaşır.

İnternet səhifəsində özünü “beynəlxalq hərbi xidmətlər bazarında tanınmış bir lider” olaraq təqdim edən şirkət “Special Projects Group” adlı qolu ilə Şimali Afrika, Orta Şərq, İraq və Suriyada hazırda xidmət göstərdiyini açıqlayıb.

Səhifədə verilən məlumata görə, şirkət “yaxşı təhsilli və səssiz” profesionallar yetişdirir və yüksək risk tələb edən yerlərdə müştərilərə xidmət edir. Şirkətin qeyd olunan bölgələrində təxliyyə və tibbi yardımlar göstərdiyi də qeyd olunur.