GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim noyabrın son günlərində yaxaladığı azərbaycanlı milli-mədəni fəal Yaşar Pirini Təbrizin Mərkəzi Zindanının karantin bölməsindən yenidən Sepahın təcridxanasına köçürdü.
Qeyd edək ki, azərbaycanlı fəal noyabrın 27-də Təbriz irqçi fars rejimin terrorçu Sepahının Kəşfiyyat Bölməsinn təcridxanasından bu şəhərin mərkəzi zindanına köçürülmüşdü. Fəal naməlum səbəbdən yenidən terrorçu Sepahın təcridxanasına qaytarılıb.
Azərbaycanlı fəal Yaşar Piri noyabrın 17-də son etiraz aksiyalarına bir gün qalmış qardaşı Ruzbeh Piri ilə birlikdə Təbrizdə yaxalanıb. Sepah məmurları məhkəmə hökmü təqdim etmədən fəalları yaxalamışdır.
Həmin azərbaycanlı milli-mədəni fəallar Azərbaycan türk millətinin demokratik və milli hüquqları uğrunda apardıqları mədəni mübarizəyə görə dəfələrlə yaxalanmışlar.
