Azərbaycanlı milli-mədəni fəaldan H.Ruhaniyə açıq məktub

GADTB-nin Mətbuat Mərkəzinə daxil olan məlumata görə, Azərbaycanlı milli-mədəni fəal İbrahim Nuri H.Ruhaniyə açıq məktub yazaraq, özünə qarşı həbs qərarına etiraz etməklə yanaşı Azərbaycan millətinə qarşı ayrıseçkilik, eləcə də Güney Azərbaycanda iqtisadi və ictimai vəziyyətin acınacaqlı olmasına etirazını bildirib.

Fəal açıq məktubunda İran adlanan ölkə hakimiyyətinin şovinist təfəkkürünün olmasına, türklərə qarşı ayrıseçkiliyin güclənməsinə və Güney Azərbaycanda ictimai böhranın baş verdiyinə toxunub.

Nuri məktubunda banklar və maliyyə müəssisələri tərəfindən əhalinin əmlakının qarət edildiyini, ziyalıların həbsdə olduğunu, Urmiya gölünün qurudulduğunu, türk gənclərin köçə məcbur edildiyini qeyd edib.