Azərbaycanlı siyasi məhbuslar Əli Və Rza Vasiqi qardaşları zindana qaytarıldı

GADTB-nin Mətbuat Mərkəzinə daxil olan məlumata görə, sentyabrın 1-də azərbaycanlı siyasi məhbuslar Əli və Rza Vasiqi qardaşları məzuniyyət müddətləri bitdiyi üçün Ərdəbil zindanına qaytarılıblar.

Əli Vasiqi 30 iyul, Rza Vasiqi isə 11 avqust tarixində girov qarşılığında məzuniyyətə buraxılmışdılar.

Qeyd edək ki, irqçi fars rejim Güney Azərbaycanın Ərdəbil şəhərində yaşayan milli fəallar Əli və Rza Vasiqini 5 il həbsə məhkum edib. Əli Vasiqini 3 il və qardaşı Rza Vasiqini 2 il həbsə məhkum edib.

Rejimin Ərdəbildəki İnqilab Məhkəməsinin 1-ci şöbəsi, hakim Məhdəviradın sədrliyi iki qardaş Əli və Rza Vasiqini, “Vərəqələr yaymaqla sistemə qarşı təbliğat aparmaq” və “ölkənin milli təhlükəsizliyinə qarşı cinayət törətməkdə iştirak etmək” ittihamları ilə 5 il həbs cəzasına məhkum edib.

Bu qərar 2020-ci il avqustun 18-də çərşənbə axşamı günü Ərdəbildə yerləşən rejimin İnqilab Məhkəməsinin 1-ci şöbəsinin ofisində şifahi olaraq azərbaycanlı fəallara elan edilmişdi.