Babək qalası mərasimi ərəfəsində yaxalanan fəallardan 5-i həbsə salındı

GADTB-nin Mətbuat Mərkəzinə daxil olan məlumata görə, iki gün öncə Ərdəbildə yaxalanan fəallarıdan 5 nəfəri yəni Rəhim Qulami, Əsgər Əkbərzadə, Əli Vasiqi, Səid Sadiqifər və Mehdi Huşmənd iyunun 3-də  saxta ittihamlarla mühakimə edilərək zindana salınıblar.

Rejimin Ərdəbildəki hakimi Seyfi, milli təhlükəsizlik və sistemə qarşı qrup yaratmaqda günahlandırdığı fəalların ittihamı sübuta yetirilmədən onları həbs etdirib. Məhkəmə azərbaycanlı fəalların qrup yaratması və ya hər hansı qrupa üzv olması ilə bağlı heç bir qaneedici dəlil və sənəd göstərə bilməyib.

Azərbaycanlı fəalların Ərdəbil zindanında fərqli bölmələrdə saxlanıldığı bildirilir.