Bazar ertəsi , Avqust 2 2021
azfa

Ermənistan sudan Azərbaycana qarşı ekoloji terror məqsədi ilə istifadə edir

GADTB-nin Mətbuat Mərkəzinə daxil olan məlumata görə, “Azərbaycanın su resurslarının böyük hissəsi Ermənistanın işğalı altındadır. Biz Sərsəng su anbarını xüsusi qeyd etməliyik”.

Bunu APA-ya açıqlamasında Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev bildirib.

Birləşmiş Millətlər Təşkilatı (BMT) Baş Assambleyası tərəfindən 22 mart tarixinin “Ümumdünya su resursları günü” elan edildiyini xatırladan H. Hacıyevin sözlərinə görə, su resurslarının effektiv şəkildə idarə olunması, insanların su ilə təmin olunması BMT tərəfindən 2030-cu illərə qədər müəyyən olunmuş davamlı inkişaf məqsədlərinin vacib tərkib hissəsidir.

Azərbaycan XİN rəsmisi Ermənistan tərəfinin sudan ekoloji terror məqsədi ilə istifadə etdiyini vurğulayıb.Hacıyev qeyd edib ki, Ermənistan mənsəbi Azərbaycanda olan çayların qəsdən çirkləndirilməsini həyata keçirir: “Ermənistanın su resurslarını çirkləndirməsi və ondan terror üçün istifadə etməsi kimi qərəzli siyasətini kəskin şəkildə pisləyirik. Hesab edirik ki, beynəlxalq ictimaiyyət bu məsələyə diqqət ayırmalıdır”.

 

Həmçinin yoxlayın

“Sizə salam gətirmişəm” şeirinin müəllifi azərbaycanlı şair vəfat etdi

GADTB-nin Mətbuat Mərkəzinə daxil olan məlumata görə, əslən Güney Azərbaycandan olan və Bakı doğulmuş məşhur …

Türkiyədəki orman yanğınları ilə ilgili Güney Azərbaycan siyasi təşkilatlarının ortaq dayanışma bildirisi

GADTB: Son günlerde Qardaş Türkiyenin güneyində çıxan orman yanğınlarında nə yazıq ki minlərcə hektar orman …

Bir cavab yazın