GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) başqanı sayın Əjdər Tağızadə yeni AN.T-nin (Aznews tv) açılması münasibətilə kanalın qurucusu Güney Azərbaycandan olan insan haqqları müdafıəçisi və milli fəal Saleh bəy Kamraniyə təbrik mesajı göndərib.
Sayın Əjdər bəyin təbrik mesajının bir hissəsində deyilir:
Güney Azərbaycanın və davam edən Azərbaycan Milli Hərəkatının informasiya blokadasında olduğu bir şəraitdə AN.T-nin (Aznews tv) işə başlaması çox mühüm bir hadisədir. Bu kanalın irqçi fars rejimin Güney Azərbaycan ətrafında yaratdığı informasiya blokadasını qırıb, Azərbaycan həqiqətlərini Azərbaycan türk millətinə və dünyaya çatdırılmasında böyük uğur qazanacağına inanırıq.
Güney Azərbaycan Demokratik Türk Birliyi (GADTB) AN.T-nin (Aznews tv) öz missiyasını müvəffəqiyyətlə həyata keçirməkdə hər növ əməkdaşlığa hazırdır. Bu müqəddəs yolda AN.T-yə (Aznews tv) və onun qurucusu sayın Saleh bəyə uğurlar arzulayırıq.
Əjdər Tağızadə
Güney Azərbaycan Demokratik Türk Birliyi (GADTB) başqanı
Qeyd edək ki, iyunun 1-dən etibarən dünya azərbaycanlılarının yeni AN.T(Aznews tv) özəl media qurumu fəaliyyətə başlayıb.
Gündəm hadisələrı yaymağı hədəfləyən televiziya kanalı peyk, veb-sayt, sosial şəbəkələr vasitəsilə izləyicilərə dünyada baş verən ən son xəbərləri və məlumatları da təqdim edəcək. Kanalın verilişləri İsveçin Stokholm şəhərindən yayımlansa da, proqramları dünyanın müxtəlif ölkələrində yaşayan müxbir və jurnalistlər hazırlayır.
AN.T-nin televiziya proqramları “Yahsat”peykindən 11900 üfüqi 27500 simbolunda və http://www. aznews.tv saytında yayımlanacaq.
Kanalın qurucusu əslən Güney Azərbaycandan olan insan haqqları müdafıəçisi və milli fəal Saleh Kamranidir.
Satellite:Al Yah 1@52.5 East
Frequenty:11900MHz
Polarity:Horizontal
Symbol rate:27500
FEC:7/8
