GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) başqanı sayın Əjdər bəy Tağızadənin Türkiyənin Milli Müdafiə naziri Hulusi Akar, Baş Qərargah rəisi Yaşar Güler, qoşun növü komandanları və digər yüksək rütbəli zabitlərin Azərbaycana gəlişi ilə əlaqədar Türk paşalarına xoşgəldin mesajı ünvanlayıb.
Sayın Əjdər bəyin mesajında deyilir ki, “Türk ordusu Azərbaycan ordusu kimi bizim öz ordumuzdur və Azərbaycanın çətin günlərində tarixən türk ordusu Azərbaycanın yanında olmuşdur. İndiki şəraitdə türk paşalarının Azərbaycana gəlişi türk düşməni olan rusun və farsın əlaltılarına çox aydın mesajdır. Türk komandanları, türk paşalarına Azərbaycana gəlişi münasibətilə xoşgəldin deyirik”.
Qeyd edək ki, türk komandanları Azərbaycan-Türkiyə quru qoşunları və hərbi hava qüvvələrinin birgə təlimlərinin Yüksək Səviyyəli Müşahidəçi günü çərçivəsində birinci mərhələsinin son epizodunu izləyəcək.
