Şənbə , İyul 19 2025
azfa

Güney Azərbaycan Demokratik Türk Birliyi (GADTB) başqanı sayın Əjdər Tağızadənin Türkiyənin Zəfər Bayramı münasibətilə təbrik mesajı

GADTB: Bu gün türkün umud yeri Böyük Türkiyəmizdə 30 avqust 1922-ci ildə Dumlupınarda Böyük Mustafa Kamal Atatürkün başkumandanlığında qazanılan böyük qələbənin şərəfinə Zəfər Bayramı adlanmışdır. Bu bayram Türkiyə tarixinə Birinci Dünya müharibəsindən məğlub çıxan Osmanlı dövlətinin işğalçı ölkələr, türk düşmənləri arasında paylaşdırılması planlarının qarşısının alınmasında çox önəmli rol oynamışdır. Böyük Mustafa Kamal Atatürkün başçılıq etdiyi türk milləti bugünkü Türkiyə Cümhuriyyətini dirçəltmək üçün böyük mücadilə və qurbanlar vermişdir.

İşğalçı orduların Türkiyə sərhədlərindən çıxarılması bir qədər sonra baş versə də, 30 avqust simvolik olaraq Türkiyə torpaqlarının geri alındığı günü təmsil edir. Bu zəfər əslində təkcə Türkiyənin deyil, Güney Azərbaycanın, eləcə də türk dünyasının zəfəridir.

Türkiyə Cümhuriyyəti dövləti bizim strateji və əbədi qardaşımızı, dostumuzdur. Bu Cümhuriyyət ən güclü türk dövləti olaraq, bu gün bizim bağımsızlıq mücadiləmizdə əsas güvənc və dayaq yerimizdir. Türk millətinin qələbəsi Güney Azərbaycan və bütün türk dünyasının qələbəsidir.

Güney Azərbaycan Demokratik Türk Birliyi (GADTB), eləcə də şəxsən öz adımdan bu bayram münasibətilə böyük türk dövlətini, türk millətini və Türk Dünyasını təbrik edirəm. Türk millətinin belə böyük zəfərlərinin Güney Azərbaycanda da sağlanacağı ümidilə.

Əjdər Tağızadə

Güney Azərbaycan Demokratik Türk Birliyi (GADTB) başqanı

Həmçinin yoxlayın

Molla rejimi Səhər Məmizadəni Ərdəbildə həbs edib

GADTB: İrqçi fars-molla rejimin SEPAH məmurları Ərdəbildə azərbaycanlı mülki fəal Səhər Məmizadəni iyunun 18-də evinə …

İsrail və Suriya atəşkəs barədə razılaşdı; Sünni ərəb qəbilələri ilə druzilər arasında kəskin döyüş davam edir

GADTB: İsrail və Suriya Vaşinqtonun dəstəyi ilə atəşkəs barədə razılığa gəliblər. Bu barədə ABŞ Prezidentinin …

Bir cavab yazın