Cümə , Sentyabr 17 2021
azfa

Güney Azərbaycan şəhərlərində 26 Azər türkcə kitabların yandırılması və mənəvi soyqırım münasibətilə türkcə kitablar paylanılıb – Şəkil

GADTB-nin Mətbuat Mərkəzinə daxil olan məlumata görə, dünən 1946-ci ildə türkcə kitabların yandırıldığı azər ayının 26-nın ildönümü münasibətilə Güney Azərbaycanın bir çox şəhəri, o cümlədən Təbriz, Ərdəbil, Urmiya, Marağa, Kərəc və s. şəhərlərdə azərbaycanlı fəallar tərəfindən türkcə kitablar paylanılıb.

Azərbaycanlı fəallar məktəblərə gedərək azərbaycanlı şagirdlərə kitablar hədiyyə ediblər. Onlar Güney Azərbaycanda 1946-cı il dekabrın 17-də (26 Azər) işğalçı fars rejimi tərəfindən həyata keçirilən kitab yandırma faciəsi və mənəvi soyqırımın 72-ci ildönümü münasibətilə simvolik şəkildə türkcə kitablar paylayıblar.

Türkcə kitabların paylanması Təbriz, Ərdəbil, Urmiya, Marağa, Kərəc və s. şəhərlərinin məktəblərində baş tutub.

Qeyd edək ki, Güney Azərbaycanda Azərbaycan Milli Hökumətinin işğalçı fars rejiminin hücumundan sonra süqutu ilə rejim güney azərbaycan şəhərlərində soyqırım törətmiş və 30 min günahsız azərbaycanlını soyqırıma məruz qoymuşdur. Bununla kifayətlənməyən rejim 1946-cı ilin dekabrın 17-da bütün türkcə kitabları toplayaraq Güney Azərbaycan şəhərlərində yandırmışdır.

Həmçinin yoxlayın

Qarabağa İran rejiminin təhlükəsizlik orqanının yük maşınlarını göndərdiyi üzə çıxdı

GADTB-nin Mətbuat Mərkəzinə daxil olan məlumata görə, İranın ETTELAAT İdarəsinə bağlı şirkətin qanunsuz şəkildə Qarabağa …

İranın qanunsuz şəkildə Qarabağda Ermənistanla yeni işbirliyi üzə çıxdı

GADTB-nin Mətbuat Mərkəzinə daxil olan məlumata görə, İranın təhlükəsizlik orqanlarına bağlı şirkətlərin erməni işğalçılarına yük …

Bir cavab yazın