GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejimi Saxsıtəpə hadisələri ilə bağlı yaxaladığı azərbaycanlı fəal Höccət İsmətzadəni məhkəməyə çağırıb.
Azərbaycanlı fəal bu barədə rejimin Qərbi Azərbaycandakı məhkəməsindən elektron bildiriş alıb.
Bildirişə əsasən azərbaycanlı milli fəal 2022-ci il yanvar 1-də rejimin Sulduzdakı ikinci Cinayət Məhkəməsinin 101-ci şöbəsində olmalıdır.
Azərbaycanlı fəal şərlənərək, “Xəbərləri təhrif etmək, yalan məlumatlar, foto və görüntülər yaymaqla məqsədli şəkildə ictimai asayişi pozmaq”da ittiham olunub.
Qeyd edək ki, Höccət İsmətzadə sentyabrın 4-də İran rejiminin məmurları tərəfindən yaxalanmışdı. O, sentyabrın 5-də girov qarşılığında zaminə buraxılmışdı.
Sentyabrın 3-də Güney Azərbaycanın Sulduz bölgəsinin Saxsıtəpə kəndində mühacir kürdlər yerli Azərbaycan türklərinin evlərinə basqın etmişdilər.
Onlar uşaqlar, qadınlar və yaşlıları döyüb və təhqir etmiş, onlarla əhali isə kəndi tərk edərək Sulduza qaçmağa məcbur olmuşdu.
