İran rejiminə məxsus neft tankeri Xark adasında ABŞ-ın raket hücumuna məruz qalıb

GADTB: İran rejiminə məxsus bir neft tankeri Xark adasında ABŞ qüvvələrinin raket hücumuna məruz qalıb. Yerli mənbələrin “Daneşcu” xəbər agentliyinə verdiyi məlumata görə, hadisə nəticəsində kiçik bir neft tankeri zədələnib, lakin indiyədək itki qeydə alınmayıb.

Məlumata görə, yerli mənbələr tərəfindən yayılan məlumatlar əsasında neft tankeri Xark adası ərazisində ABŞ qüvvələrinin raketinin hədəfinə çevrilib. Raketin növü, tankerə dəymiş ziyanın miqyası və onun hansı səbəbdən hədəfə alındığı barədə əlavə məlumat açıqlanmayıb.

Yerli mənbələr həmçinin bildiriblər ki, hədəfə alınan tanker kiçik ölçülü neft tankeri olub və hadisə nəticəsində indiyədək insan tələfatı baş verməyib.

Bu barədə məlumatlar hələlik yalnız yerli mənbələrin açıqlamalarına əsaslanır və hadisə ilə bağlı müstəqil təsdiqlənmiş əlavə məlumat təqdim edilməyib.