Cümə axşamı , Dekabr 1 2022
azfa

İran rejiminin təhlükəsizlik qüvvələri çoxsaylı azərbaycanlı öyrənciləri həbs edib

GADTB-nin Mətbuat Mərkəzinə daxil olan məlumata görə, İran adlanan ölkənin təhlükəsizlik qüvvələri Güney Azərbaycan şəhərlərində, xüsusilə Urmiya və Təbriz Universitetlərinin çoxsaylı öyrəncilərini həbs edib.

Dünən yanvar ayının 5-də Təbrizdə Azərbaycan türk millətinin etiraz aksiyasından sonra İran adlanan ölkənin təhlükəsizlik qüvvələri Təbriz İncəsənət Universitetinin öyrəncisi, “Caməə” öyrənci jurnalının məsul redaktoru Aydın Möhsünnəjadın Xoy şəhərində yerləşən evində axtarış aparıb, onun şəxsi əşyalarını zəbt ediblər.

Aydın Möhsünnəjad evdə olmadığı üçün onun atasını həbs edib, ailəsini isə hədələyərək bildiriblər ki, Aydın özünü təhlükəsizlik qüvvələrinə təqdim etməyənədək atası həbsdə qalacaq.

Urmiyada baş tutan etiraz aksiyalarında da şənbə günü Urmiya Universitetinin öyrənciləri Neda Əhmədi və Seyvan Kəlami yaxalanaraq, həbsdə saxlanılırlar.

Həmçinin öyrəncilər Əli Qədiri, Əlirza Moinian, Meysəm Şərif və Neda Əhmədi də həbs ediliblər.

Vaxtilə Əhmədinəjadın parlament üzrə müavini Tcəddininin toefl sənədinin saxta olduğunu söyləyən Fərzam Moininin də evinə təhlükəsizlik qüvvələri hücum ediblər.

Həmçinin yoxlayın

Molla rejimi etirazlarda yolu bağlamaq istəyən azərbaycanlı fəalı edama məhkum etdi

GADTB-nin Mətbuat Mərkəzinə daxil olan məlumata görə, irqçi fars-molla rejimi etirazlarda yolu bağlamaq istəyən azərbaycanlı …

GADTB-nin iştirakı ilə “Urmiya gölünün qurudulması”na dair ictimai müzakirə keçirilib

GADTB: 30 noyabr tarixində “Urmiya gölünün qurudulması” ilə bağlı ictimai müzakirə keçirilib. Keçirilən müzakirədə “Güney …

Bir cavab yazın