Cümə , Oktyabr 22 2021
azfa

İsrail İran adlanan ölkənin bazalarına hücum etdi

suriya

GADTB-nin Mətbuat Mərkəzinin əldə etdiyi məlumata görə, İsrail hərbçiləri bu gecə Suriyadakı İran adlanan ölkənin silah anbarları və bir neçə hava hücumundan müdafiə batareyalarına qırıcılardan zərbə endiriblər.

Təl-Əviv bu zərbənin Qolan təpələrinə Suriyadan endirilən raket hücumuna cavab olduğunu bildirib. Hücum zamanı həmçinin İranın “Qüds” briqadasının hərbi obyektlərinin, İran kəşfiyyat mərkəzi və İran təlim düşərgəsinin hədəf alındığı vurğulanıb:

“İsrail ərazisinə dünən atəş açmaqla İran özünün Suriyadakı hərbi mövcudluğunun əsl hədəfini yenidən nümayiş etdirdi. İran İsrail dövləti və regional stabillik üçün təhdiddir”.

İsrail ordusu bundan sonra İran qoşunlarının İsrailin şimal sərhədlərində mövcudluğuna qarşı qətiyyətlə müqavimət göstərməyə davam edəcəyini bildirib. Rəsmi Təl-Əviv həmçinin Əsəd rejiminin ölkə ərazisində baş verən hər şeyə görə məsuliyyət daşıdığını bəyan edib.

Qeyd edək ki, sonuncu dəfə İsrail Suriyadakı İran qüvvələrinə belə genişmiqyaslı hücumu keçən ilin mayında həyata keçirmişdi.

Ötən gün isə İsrail ordusunun Dəməşqin cənub-şərqində yerləşən Duvali hava limanı istiqamətində hücumunun qarşısının alındığı və 7 raketin zərərsizləşdirildiyi barədə Rusiya MN məlumat yaymışdı.

 

Həmçinin yoxlayın

Ərdoğan Azərbaycanla düşmənçilik edən İrana Güney Azərbaycanı xatırlatdı: “Onların sayı göz önündədir”

GADTB-nin Mətbuat Mərkəzinə daxil olan məlumata görə, “İran İsraillə münasibətlərinə görə Azərbaycanı “hədəf taxtası”na qoya …

İran rejimi türkcə “Bənsu” adına görə azərbaycanlı körpəyə şəxsiyyət vəsiqəsi vermir

GADTB-nin Mətbuat Mərkəzinə daxil olan məlumata görə, İran rejimi Güney Azərbaycanda azərbaycanlı körpəyə türkcə “Bənsu” …

Bir cavab yazın