İsrailin İran İslam Respublikası qarşısında son ssenariləri

GADTB: İsrail tam döyüş hazırlığı vəziyyətinə gətirilib və bu ölkəni İran İslam Respublikası ilə müharibəyə cəlb edə biləcək üç ssenarini müəyyənləşdirib.

İsrael Hayom qəzetinin məlumatına görə, İsrail rəsmiləri bu üç ssenarini belə sıralayıblar:

İran İslam Respublikasının İsrailə birbaşa hücumu;

Belə bir hücuma hazırlıq əlamətlərinin müşahidə olunması;

ABŞ-ın İsrail ordusundan əməliyyatlara qoşulmasını rəsmi şəkildə istəməsi.

İndiyədək bu üç ssenarinin heç biri reallaşmayıb. Qüds hələ də münaqişədən kənarda qalıb və rəsmilərin sözlərinə görə, Vaşinqtondan bu əməliyyata qoşulmaq üçün hələlik heç bir siqnal alınmayıb.

Həmin məlumata əsasən, İran İslam Respublikası da İsraili qəsdən bu qarşıdurmaya cəlb etməkdə maraqlı görünmür.

İsrail rəsmiləri bildiriblər ki, ölkə ordusu bütün mümkün ssenarilərə qarşı ən yüksək hazırlıq vəziyyətindədir və “heç bir sürpriz olmayacaq.”

İsrailin qiymətləndirmələrinə görə, ABŞ-ın hücumlarının genişlənməsi və İran İslam Respublikasının cavab tədbirlərinin güclənməsi ilə İsrailin də bu münaqişəyə cəlb olunması ehtimalı artır.