GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Astara Baş Gömrük İdarəsinin rəisi Rəsul Ümidi bildirib ki, İrandan Azərbaycana yük maşınlarının keçməsi dayanıb.
O bununla bağlı deyib: “Azərbaycan gömrüyü yalnız Azərbaycan və Rusiya yük maşınlarının ölkəyə girişinə icazə verir. Bu məhdudiyət sərhəddə nəqliyyat vasitələrinin uzun səflinin yaranmasına səbəb olub. İndi Rusiyanın 620, Azərbaycanın 107, Gürcüstanın 19, Qırğızıstan, Belarus, Ukrayn və Tacikistana aid 22 yük maşını Astara Gömrüyünün qapılarının arxasında qalıb. Həmin maşınların keçməsi üçün aparılan rəsmi yazışmalar da nəticəsiz qalıb və məsələnin daha yüksək səthdə həllinə ehtiyac var. Astara Gömrük İdarəsində yük maşınlarının dezinfeksiya işləri ciddi şəkildə davam edir, ancaq bu da yük maşınlarının keçməsinin asanlaşmasına təsir göstərməyib. İnsanların sərhəddən gediş-gəlişi isə İranda və Azərbaycanda qalan vətəndaşların öz ölkələrinə qayıtması ilə məhdudlaşdırılıb. Onların sağlamlıq kontrolu və hərarətlərinin ölçülməsi icra olunur”.
