GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, terrorçu YPG-yə verilən silahların doğru məqsədlə istifadə edildiyindən əmin olmaq üçün avadanlıq və ləvazimatlar işarələnib. Bu barədə Pentaqonun Baş Müfəttişliyinin hesabatında bildirilib.
Hesabatda həmçinin ABŞ-ın Suriyada indiyə qədər 12.500 nəfərə təlim keçdiyi və bunlardan 11 mininin Suriya Demokratik Qüvvələrinin üzvü olduğu bildirilib.
PKK-PYD terror qruplaşmasının qolu sayılan SDQ üzvlərindən ibarət 3 min nəfərlik Rakka Daxili Təhlükəsizlik Qüvvələri yaradıldığı da qeyd olunub.
Hesabatda xüsusən terrorçu PYD-yə verilən və işarələnən silahları Pentaqonun izlədiyi vurğulanıb.
Bu arada isə Yaxın Şərqlə bağlı proseslər üçün ABŞ-ın 7 trilyon xərclədiyi məlum olub. ABŞ prezidenti Donald Tramp çıxışı zamanı məsələyə etiraf edərək, bunun böyük bir xəta olduğunu qeyd edib.
