GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, işğalçı fars rejimin Xoy şəhərində yerləşən İnqilab Məhkəməsinin 1-ci şöbəsi qiyabi şəlikdə azərbaycanlı milli-mədəni fəal Məhəmməd Dorostini 6 aylıq həbs cəzasına məhkum edib.
Azərbaycanlı fəal 2018-ci il dekabrın 9-da Xoyda rejimin polis məmurları tərəfindən yaxalanıb və şəhər məhkəməsinin 3-cü şöbəsi tərəfindən ittihamı elan olunduqdan sonra vəsiqə qarşılığında zaminə buraxılıb.
Fəal 1945-ci ildə Azərbaycan Milli Hökumətinin qurulmasının (21 Azər Hərəkatı) ildönümü münasibəti ilə elanlar payladığı üçün şərlənərək, sistemin əleyhinə təbliğat aparmaqda ittiham edilib.
Telefon vasitəsi ilə məhkəməyə çağırılan fəala yanvarın 16-da barəsində çıxarılan həbs qərarı elan olunub.
Azərbaycanlı fəala məhkəmə ilə bağlı çağırışlar yalnız SMS vasitəsi ilə göndərildiyi üçün onlara məhəl qoymayıb və məhkəməyə müraciət etməkdən imtina edib.
