GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim noyabrın 8-də Güney Azərbaycanında baş verən zəlzələ bölgələrinə baş verən etirazları bəhanə edib, yardımı dayandırıb.
Hətta rejimin yanacağın qiymətini qaldırması azərbaycanlı fəalların zəlzələ bölgəsinə yardım aparmasını da çətinləşdirib.
Adının açıqlanmasını istəməyən mənbə deyib ki, Miyana və Sarab rayonlarının kənd sakinləri bölgənin -12 dərəcəyə qədər düşən soyuq havada plastik çadırlarda yaşamağa məcbur olur. Son etirazlar zamanı ölkədə internetin kəsilməsi və ağır təhlükəsizlik şəraiti bu kəndlərə dövlət tərəfindən yardımların kəsilməsinə səbəb olub, xalq və mədəni fəallar tərəfindən toplanan yardımların göndərilməsi çətinləşib.
Həmin mənbənin dediyinə görə, zəlzələdə xəsarət alan kəndlər Bozquş dağının ətəyində yerləşən kəndlərdir və bu bölgənin havasının soyuqluğu, qar və güclü külək səbəbi ilə xalq tərəfindən toplanan yardımları daşıyan maşınlar bəzi kəndlərə gedib çata bilməyib.
Sarab rayonunun millət vəkili təcili şəkildə 500 sığınacaq vaqonunun bölgəyə göndərilməsini tələb edib.
Millət vəkili deyib: “Artıq bir neçə gündür ki, müxtəlif tribunalardan bunu tələb edirəm, ancaq hələ də yardımdan heç xəbər yoxdur. Sarabın coğrafi və hava şəraiti ilə tanış olan hər kəs bilir ki, zəlzələ baş verən rayonlarda xalq arasında çadırların paylanması mənasızdır. Havanın soyuqluğu zəlzələnin episentrinə yaxın olan Çiçəkli kimi kəndlərdə dözülməzdir”.
