Şənbə , İyul 24 2021
azfa

Rejimin Apellyasiya Məhkəməsi Ulduz Qasimi, Əmir Səttari və Cavad Əhmədi Yekanlıya bəraət verdi

GADTB-nin Mətbuat Mərkəzinə daxil olan məlumata görə, irqçi fars rejimin Qərbi Azərbaycanda yerləşən Apellyasiya Məhkəməsinin 1-ci şöbəsi noyabrın 2-də azərbaycanlı milli-mədəni fəallar Ulduz Qasimi, Əmir Səttari və Cavad Əhmədi Yekanlıya barəsində bəraət qərarı çıxarıb.

Azərbaucanlı fəallar Ulduz Qasimi, Cavad Əhmədi Yekanlı və Əmir Səttari 2018-ci il mayın 25-də daha bir neçə fəalla birlikdə Sulduzda 2006-cı ildə Milli Qiyam zamanı öldürülmüş sulduzlu şəhidlərin məzarı başında keçirilən mərasimlə bağlı yaxalanmışdır. Fəalların əksəriyyəti yaxalandığı gün  buraxılsa da Ulduz Qasimi, Cavad Əhmədi Yekanlı və Əmir Səttari bir neçə gün saxlandıqdan sonra mülki vəsiqə qarşılığında zaminə buraxılıblar.

Yanvarın 16-da mədəni fəaliyyətinə görə hazırda Təbriz zindanında 7 aylıq həbs cəzasını çəkməkdə olan Əmir Səttariyə məhkəmə iclasına qatılmaq icazəsi verilməmişdir.

Azərbaycanlı fəal Ulduz Qasimi isə 2018-ci il noyabrın 10-da rejimin Sulduzda yerləşən İnqilab Məhkəməsinin 1-ci şöbəsi tərəfindən 1 il həbs cəzasına məhkum edilib. Məhkəmə hökmü daha sonra həbs cəzasını 50 milyon rial cərimə ilə dəyişdirib.

Azərbaycanlı fəallar daha sonra günahsız olduqları üçün bəraət almışdılar.

Həmçinin yoxlayın

Ermənistan ordusu atəşkəsi pozdu; azərbaycanlı əsgəri şəhid oldu

GADTB-nin Mətbuat Mərkəzinə daxil olan məlumata görə, iyulun 23-ü saat 16:00 radələrində Ermənistan silahlı qüvvələrinin …

İran rejimi azərbaycanlı fəal Əmir Səttarini həbs etdi

GADTB-nin Mətbuat Mərkəzinə daxil olan məlumata görə, irqçi fars rejimin məmurları azərbaycanlı fəal Əmir Səttari …

Bir cavab yazın