Şənbə , İyul 24 2021
azfa

Rejimin rəsimisi Əndərian Qızıl Mədənin səbəb olduğu ekoloji fəlakətin araşdırılacağını iddia edir

GADTB-nin Mətbuat Mərkəzinə daxil olan məlumata görə, irqçi fars-molla rejimi Güney Azərbaycanı müstəmləkə edərək, Azərbaycanın yeraltı və yerüstü sərvətlərini vəhşicəsinə talamaqdadır. Bunun nəticəsində əksər mədənlərdə, o cümlədən Əndərian mədənində də irqçi fars rejim müstəmləkəçi kimi mədəni talayıb çıxardığı üçün ətraf mühiti ciddi şəkildə çirkləndirir.

Artıq dəhşətli fəlakətin yaranması əhalinin ciddi etirazına səbəb olub. Nəticədə rejimin Şərqi Azərbaycanda Ədliyyə İdarəsinin rəisi Musa Xəlilullahi təcili olaraq bu məsələyə baxılmasını tələb etdiyini bildirib.

Musa Xəlilullahi deyib: “Mədən ətraf ərazilərində mal-qaranın kütləvi şəkildə tələf olması və ətraf mühitin çirklənməsi ilə bağlı xüsusi iclas keçirilib. Şərqi Azərbaycan Ətraf Mühit İdarəsinin rəisi və ekspertlərin iştirakı ilə keçirilən həmin iclasda Ətraf Mühit İdarəsi elmi araşdırma və aparılan analizlərin nəticələrini elan etdi. Bildirildi ki, ətrafa ərazilərə zəhərli maddələr sızdığı üçün mədənin fəaliyyəti məhkəmə qərarı ilə dayandırılıb”.

Musa Xəlilullahi həmçinin deyib: “Keçirilən iclasda qərara alınıb ki, Şərqi Azərbaycan Ədliyyə İdarəsinin nümayəndələri, Ətraf Mühit İdarəsinin ekspertləri, eləcədə universitetlərin geologiya və ətraf mühit üzrə ekspertləri mədənə baş çəksinlər. Onlar mədənin fəaliyyəti və ətraf mühitə təsiri ilə bağlı elmi araşdırmalar aparıb, nəticəsini Ədliyyə İdarəsinə təqdim etsinlər.”

Qeyd edək ki, bir neçə gün öncə Əndərian Qızıl Mədəninin ətrafında əhalinin mal-qarası kütləvi şəkildə tələf olmuşdur. Bundan sonra rəsmi orqanlar mədənin fəaliyyətini dayandırmağa məcbur oldular.

Həmçinin yoxlayın

Ermənistan ordusu atəşkəsi pozdu; azərbaycanlı əsgəri şəhid oldu

GADTB-nin Mətbuat Mərkəzinə daxil olan məlumata görə, iyulun 23-ü saat 16:00 radələrində Ermənistan silahlı qüvvələrinin …

İran rejimi azərbaycanlı fəal Əmir Səttarini həbs etdi

GADTB-nin Mətbuat Mərkəzinə daxil olan məlumata görə, irqçi fars rejimin məmurları azərbaycanlı fəal Əmir Səttari …

Bir cavab yazın