GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim Urmiya gölünü qurutmasına Azərbaycan türk millətinin etirazlarından sonra gölün bərpasına söz verdi. Lakin zaman göstərdi ki, rejim vədlərində də sadiq deyilmiş.
Artıq Urmiya gölünün qurtarılması üçün nəzərdə tutulan 13 layihədən 11 layihənin icrası rejimin maliyyə ayırmaması üzündən dayandırılmışdır. Bu barədə Urmiya Gölünün Qurtarılma Qərargahının rəsis Məsud Təcrişi özü açıqlama verib.
Urmiya Gölünü Bərpası Mərkəzinin Qərbi Azərbaycan vilayəti üzrə rəisi Fərhad Sərxoş da gölün son vəziyyəti haqda danışaraq cari ildə bərpa layihələrinə bir rial belə ayrılmadığını açıqlayıb.
F.Sərxoş Bərpa Mərkəzində vəsait çatışmazlığını kəskin tənqid edərək qeyd edib ki, nə qədər çalışsaq da, bu il Bərpa Mərkəzinin layihələrinə bir rial belə vəsait ayrılmadı.
Fərhad Sərxoş deyib: “Bu il ötən ilin müvafiq dövrü ilə müqayisədə Urmiya gölündə suyun səviyyəsi tarazlığı 3 santimetr aşağı düşüb. Suyun həcmi 60 milyon kubmetr azalıb, gölün ümumi sahəsi isə 30 kvadrat kilometr kiçilib”.
