Çərşənbə , Mart 3 2021
azfa

Rusiyanın Tatarıstana təzyiqləri Tatarıstan liderini üsyana qaldırdı

GADTB-nin Mətbuat Mərkəzinin əldə etdiyi məlumata görə, Mərkəzi hökumətlə regional hökumətlərin arasında səlahiyyətlərin bölüşdürülməsində 5 il ərzində heç nəyi dəyişməmək lazımdır. Bunu Qaydar Forumunda çıxışı zamanı Tatarıstan lideri Rüstəm Minnixanov söyləyib.

Rüstəm Minnixanov deyib: “Hər kəs səlahiyyətlərin Moskvaya verilməsinə səs verib, mən isə əleyhinə olmuşam. Bizim şəraitimiz ayrıdır. Mənim xahişim budur: 5 il ərzində heç nəyə toxunmayın. 5 il ərzində biləcəm ki, biz nə qədər qazanc əldə edəcəyik. Siz daşınan və daşınmaz əmlakla bağlı qərar verirsiniz. Bu bizim gəlirlərdir və siz niyə bizdən xəbərsiz belə qərarlar verirsiniz? Niyə siz bizsiz hansısa güzəştləri qəbul edirsiniz? Hər bir subyekt öz səlahiyyətlərini icra etmək qabiliyyətindədir. Siz nədən qorxursunuz? Əgər subyektin rəhbəri qarşıya qoyulan vəzifələri icra edə bilmirsə, onu dəyişin. Moskvadan bu qədər böyük dövləti necə idarə etmək olar?”

Qeyd edək ki, son günlər Moskvanın Tatarıstana təzyiqləri artıb. Belə ki, Kreml Tatarıstanda tatar dilinin icbari tədrisini tam qadağan edib. Üstəlik, Tatarıstan rəhbərinin “prezident” adlandırılması dayandırılıb. Moskva Tatarıstanın büdcə idarəetməsi ilə bağlı bir sıra səlahiyyətlərini də əlindən alıb.

Həmçinin yoxlayın

Türkiyə fevral ayında 126 terrorçu məhv edib

GADTB-nin Mətbuat Mərkəzinə daxil olan məlumata görə, Türkiyәnin tәhlükәsizlik qüvvәlәri fevral ayında da separatçı terror …

Yaşar Piriyə dəstək məqsədilə Təbrizdə divarlara şüarlar yazıldı

GADTB-nin Mətbuat Mərkəzinə daxil olan məlumata görə, irqçi fars rejimin işgəncələri nəticəsində xəstəxanaya düşən azərbaycanlı …

Bir cavab yazın