GADTB Güney Azərbaycan Demokratik Türk Birliyi
GADTB: Bu gün 19 may 1919-cu ildə Mustafa Kamal Atatürk Samsunda türk gəncliyi qarşısında çıxış edərək, Türkiyə ərazilərini işğal edənlərə qarşı səfərbərlik elan etməsi münasibətilə təntənəli mərasim keçirilib.
Keçirilən tədbirdə rəsmi dəvətlə Güney Azərbaycan Demokratik Türk Birliyinin Xarixi Əlaqələr Departamentinin və Avstraliya Azərbaycanlıları Assosasiyası Birliyinin sədri sayın Mikayıl Oyta da qatılıb. Tədbirdə Avstraliya ordusunun generalı və dövlət rəsmiləri də iştirak etmişdir.
Qeyd edək ki, 19 may 1919-cu ildə Mustafa Kamal Atatürk Samsunda türk gəncliyi qarşısında çıxış edərək, Türkiyə ərazilərini işğal edənlərə qarşı səfərbərlik elan edib. Atatürkün bu çıxışı türk xalqının milli azadlıq savaşını başladıb.
Türkiyənin müstəqillik və inkişafının əsas hərəkətverici qüvvəsi olan gənclərin şərəfinə sonradan 19 May – İdman və Gənclik bayramı kimi qeyd edilməyə başlanıb.
Bu bayramın adı indiyə qədər üç dəfə dəyişilib. 1935-ci ildə bayram Atatürk günü kimi tarixə düşüb. 1938-ci ildə bayrama Atatürkün əmri ilə Gənclik və İdman Bayramı adı verilib. 1981-ci ildən isə bayram Atatürkü Anma, İdman və Gənclik bayramı adlandırılır.
