GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Türkiyənin Suriyada PYD/YPG terror təşkilatlarına qarşı mümkün hərbi əməliyyatları ABŞ-ı təşvişə salıb. Bu barədə ABŞ-ın Mərkəzi Kəşfiyyat İdarəsinin (MKİ) kölgə təşkilatı “Rand Corporation” hesabat yayıb.
Hesabatda ABŞ-ın hərbi dəstəyi ilə İŞİD terror təşkilatına qarşı mübarizə aparan YPG-yə hücumun iki ölkə arasında münasibətləri gərginləşdirəcəyi qeyd olunub. Eyni zamanda bunun ABŞ-la Türkiyə arasında birbaşa müharibəyə belə səbəb ola biləcəyi hesabatda əksini tapıb.
“Rand Corporation” Türkiyə ordusunun regionda ən böyük hərbi güc olduğunu və ABŞ-ın bundan öncəki rəqiblərinə bənzəmədiyini bildirib.
