GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyənin Bəşər Əsədə verdiyi vaxt bitdikdən sonra başladılan “Bahar qalxanı” əməliyyatı çərçivəsində çox sayda rejim hədəfi atəş altına alınıb. Türkiyə hərəkatın adını ilk dəfə açıqlayıb.
Gecə 00.00-dan etibarən bölgədə vəziyyət gərginləşib. Türkiyə Silahlı Qüvvələri Suriyanın istinadgahı hesab olunan Lazkiyə başda olmaqla Minnaq və Neyrab hava bazalarını atəş altında saxlayır.
Suriya rejimi, Rusiya hərbi polisi və YPG-nin birlikdə hərəkət etdiyi Tel-Rıfat da hədəflər sırasındadır. Çox sayda hava nəqliyyatı və tank yararsız hala salınıb. İndiyə kimi 1 PUA, 8 helikopter, 103 tank, 72 artilleriya qurğusu, 3 hava hücumundan müdafiə sistemi və 2212 rejim əsgəri məhv edilib.
Qeyd edək ki, Rusiya və İran dəstəkli Əsəd rejiminin havadan və qurudan hücumu nəticəsində 34 türk əsgəri şəhid olub, 34-ü yaralanıb.
